Паведамленне аб узгаранні ў кватэры на дзявятым паверсе жылога дома па вул. Варшаўскай у Лідзе Гродзенскай вобласці паступіла ратавальнікам 20 верасня каля 9.20. На пажары знойдзены загінулыя гаспадар кватэры 1951 года нараджэння і яго жонка 1953 года нараджэння. Прычыны ўзгарання і гібелі людзей высвятляюцца. 

Таксама 20 верасня ў бальніцы ад апёкаў, атрыманых 12 верасня пры самастойным тушэнні пажару нежылога дома ў вёсцы Ратміравічы Кастрычніцкага раёна Гомельскай вобласці, памёр пенсіянер 1958 года нараджэння. Прычынай пажару стала неасцярожнае абыходжанне з агнём.