У кнізе прадстаўлены ўспаміны і дакументальныя матэрыялы, сабраныя ў Інстытуце гісторыі Нацыянальнай акадэміі навук. Гэтыя матэрыялы былі сабраны ў рамках ініцыяванай НАН Беларусі акцыі «Народны летапіс Вялікай Айчыннай вайны: успомнім усіх!»

Зборнік разлічаны на шырокае кола чытачоў. Ён будзе цікавы для прафесійных гісторыкаў, выкладчыкаў вышэйшых і сярэдніх спецыяльных устаноў адукацыі, сярэдніх школ, студэнтаў і вучняў. Таксама зборнік рэкамендуюць выкарыстоўваць у навукова-даследчай рабоце, працэсах навучання, музейнай і краязнаўчай рабоце.

Як расказваў раней дырэктар Інстытута гісторыі Нацыянальнай акадэміі навук Вадзім Лакіза, у 2024 годзе выйшла чацвёртая кніга серыі, у 2025-м — пятая. У іх публікуюцца ўспаміны і дакументальныя матэрыялы з фондаў інстытута, а таксама прысланыя жыхарамі аб сваіх родных і блізкіх, якія бачылі вайну на свае вочы. Створаны і спецыяльны электронны рэсурс народнага летапісу.

Папярэдняя, пятая кніга была прысвечана Мінскаму падполлю, шостая будзе змяшчаць успаміны ўдзельнікаў Брэсцкага падполля, партызанскіх атрадаў, успаміны родных і блізкіх нашых землякоў аб перыядзе акупацыі. Асаблівы акцэнт — на гераічнай гісторыі і подзвігах жанчын.