«Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь-гэта найважнейшае і фундаментальнае свята. Для мяне гэта працяг той патрыятычнай традыцыі, якая ў нас пачынаецца з Дня Перамогі. Гэта дзяржаваўтваральнае свята Рэспублікі Беларусь», — сказаў Аляксандр Шпакоўскі.

Подзвіг беларускага народа ў Вялікай Айчыннай вайне — гэта краевугольны камень Айчыннай дзяржаўнай ідэалогіі, адзначыў парламентарый. «А нашы сімвалы — і герб, і сцяг Рэспублікі Беларусь маюць прамую пераемнасць ад сімволікі Беларускай Савецкай Сацыялістычнай Рэспублікі. Таму гэта важная гістарычная традыцыя, якую мы зараз развіваем і перадаем ужо будучым пакаленням беларусаў. Бачыце, тут шмат моладзі, — сказаў ён. — Дзяржава, сапраўды, надае значную ўвагу ўнутранай палітыцы, ідэалагічнай працы. Нядаўняя Дырэктыва Прэзідэнта нацэлена на ўмацаванне ідэалагічнага складніка нашай унутранай палітыкі. І ў гэтым сэнсе гэта сапраўды важная дата».

30 гадоў таму, 14 траўня 1995 года, адбыўся рэферэндум, на якім пераважная большасць беларусаў прагаласавалі за дзяржаўныя сімвалы — герб і сцяг, якія мы маем цяпер. «На народны суд тады новапрыйшоўшым зусім маладым кіраўніком дзяржавы была вынесена прапанова вярнуцца да нашай традыцыі, зыходзячы з таго, што Рэспубліка Беларусь прама пераемнічае ад Беларускай Савецкай Сацыялістычнай Рэспублікі. Плебісцыт, рэферэндум, вынясенне найбольш важных пытанняў дзяржаўнага развіцця, у тым ліку ў частцы ўнутранай палітыкі (сімвалы маюць і глыбокі палітычны сэнс) — гэта традыцыя нашай дзяржавы. І найбольш сур’ёзныя пытанні ў Беларусі заўсёды вырашаюцца з удзелам грамадства, на рэферэндуме. І ў тым ліку пытанне аб сімволіцы было вырашана раз і назаўжды», — дапоўніў парламентарый.