«Гэта асаблівы знак даверу ўсіх дзяржаў менавіта нашай краіне. Бо Беларусь заўсёды была той краінай, дзе няма чужых людзей, няма чужога болю. Калі людзям патрэбна дапамога, яна будзе аказана», — адзначыла старшыня Беларускага саюза жанчын, каментуючы прылёт у Гомель людзей, эвакуіраваных падчас гуманітарнай аперацыі ў прыфрантавым горадзе Алешкі на Херсонскім напрамку. 

Яна звярнула ўвагу, што да сустрэчы ў Гомелі эвакуіраваных людзей у Гомелі загадзя ўсё было гатова. «Мы гатовы былі і апрануць, і накарміць, і абагрэць, і даць магчымасць людзям адчуць сябе ў бяспецы. Напэўна, гэта вельмі важна, што першы глыток мірнага паветра яны зробяць менавіта на нашай зямлі», — сказала Вольга Шпілеўская.

«Вядома, Беларускі саюз жанчын таксама тут, каб падтрымаць людзей маральна, каб яны адчулі нашу цеплыню — цеплыню беларусаў. Бо мы заўсёды пра мір. Кіраўнік нашай дзяржавы гаворыць: мы не ваякі. І мы сапраўды не ваякі — мы тыя людзі, якія імкнуцца зрабіць усё магчымае, каб мір наступіў на ўсёй зямлі, на ўсёй планеце. Мы сёння паўнапраўныя ўдзельнікі мірнага працэсу, мірнага ўрэгулявання. На нашай зямлі ўкраінцы і расіяне паціскаюць адно аднаму рукі. І гэта таксама немалаважны знак», — падкрэсліла старшыня ГА «Беларускі саюз жанчын».

«Упэўнена, што кожны тут атрымае і цяпло, і клопат і сапраўды адчуе, што такое мірнае неба над галавой», — заключыла Вольга Шпілеўская.