«У нас традыцыйна, ужо напэўна з дзясятак гадоў павышэнне тарыфаў на паслугі ЖКГ вызначаецца ўказам кіраўніка дзяржавы. Раней гэта было не больш за $5 у год, цяпер 0,5 базавай (велічыні. — Заўв. БелТА)», — адзначыў міністр.

«Праект указа падрыхтаваны ўрадам, накіраваны ў Камітэт дзяржкантролю на ўзгадненне. Усё ў прынцыпе ў тых параметрах, якія закладзены ў Праграме сацыяльна-эканамічнага развіцця і (у адпаведнасці з. — Заўв. БелТА) пасылам, які даваў наш кіраўнік дзяржавы», — зрабіў акцэнт Генадзь Трубіла.