З першых дзён студзеня адбыліся змены ў парадку разлікаў бальнічных у індывідуальных прадпрымальнікаў. Якія менавіта, расказалі ў Мінпрацы і сацабароны.
— Пачынаючы з 8 студзеня бягучага года крыху змяніўся парадак разліку па часовай непрацаздольнасці, — расказала першы намеснік кіраўніка фонду сацыяльнай абароны насельніцтва Мінпрацы і сацабароны Кацярына Ліхачова.
Паводле яе слоў, індывідуальныя прадпрымальнікі таксама маюць права на разлік дапамог па часовай непрацаздольнасці:
— Для разліку бярэцца папярэдні год і сума выплачаных узносаў. Гэта значыць суму выплачаных узносаў мы дзелім на колькасць каляндарных дзён, з іх разлічваем сярэдні заробак і выплачваем дапамогу.
Як разлічвалася дапамога да 8 студзеня?
— Для таго, каб было права на дапамогу, павінна было быць ажыццяўленне дзейнасці не менш за 183 каляндарныя дні. Гэта норма сышла, — патлумачыла спецыяліст.
