Справа ў тым, што менавіта з 20 сакавіка ўступаюць у сілу змяненні ў візавыя правілы ў адпаведнасці з пастановай урада, у тым ліку ў частцы выдачы ўязных электронных віз у нашу краіну з дапамогай агульнадзяржаўнай аўтаматызаванай інфармацыйнай сістэмы.

Доступ спажыўцоў да паслугі выдачы электронных віз ажыццяўляецца з дапамогай нястрогай аўтэнтыфікацыі (з выкарыстаннем лагіна і пароля або з выкарыстаннем знешніх сэрвісаў аўтэнтыфікацыі. У выніку аказання паслугі выдачы электронных віз спажывец атрымлівае апавяшчэнне аб выдачы электроннай візы і яе pdf-файл па форме, зацверджанай адпаведнымі правіламі.

Для верыфікацыі электроннай візы неабходна адсканіраваць QR-код у мабільным дадатку «Е-Паслуга». З запускам паслугі чакаецца істотнае пашырэнне геаграфіі спажыўцоў Адзінага партала электронных паслуг.

Паслуга пасля некалькіх клікаў

Як расказаў дырэктар Нацыянальнага цэнтра электронных паслуг Раман Градусаў, на Адзіным партале электронных паслуг летась з’явілася больш за 150 новых сэрвісаў — гэта адміністрацыйныя працэдуры і электронныя паслугі. Па словах дырэктара, цэнтр пастаянна працуе над павелічэннем колькасці новых, цікавых, запатрабаваных паслуг у электронным выглядзе.

«Мы хочам, каб іх колькасць расла, каб любая жыццёвая абодзелавая сітуацыя лёгка і зручна магла быць вырашана ў некалькі клікаў. Гэта можа быць атрыманне пропуску на права ўезду ў пагранічную паласу, выпіска кантрольнай маркі для дэзынфекцыі аўтамабіля або даведкі аб выплаце падаходнага падатку з фізічных асоб. Усе гэтыя і многія іншыя сэрвісы ўжо рэалізаваны на адзіным партале электронных паслуг», — паведаміў ён.

Калі ў 2022 годзе на адзіным партале электронных паслуг з’явілася больш за 40 новых паслуг, у 2023-м — ужо 277. У мінулым годзе на партале быў укаранёны 151 новы сэрвіс. «Не змяншаем тэмп і сёлета: са студзеня на партале ўжо размешчаны 34 новыя сэрвісы — у сферы страхавання, падаткаабкладання, грамадзянства і міграцыі, жыллёвага права, аховы прыроды. Цяпер на партале даступныя для заказу каля 700 электронных паслуг.

У мабільным варыянце

Яшчэ дырэктар нагадаў, што з 1 ліпеня 2014 года ў Беларусі выдадзена больш за 2,5 мільёна сертыфікатаў адкрытых ключоў праверкі электроннага лічбавага подпісу (ЭЛП), а цяпер штодня выдаецца да 1,8 тысячы новых ключоў. «Створана сетка з 47 пунктаў, дзе аказваюць увесь спектр паслуг па рэгістрацыі карыстальнікаў, выпуску сертыфікатаў адкрытых ключоў, выдачы сродкаў ЭЛП ва ўсіх абласных, а таксама буйных раённых цэнтрах», — адзначыў дырэктар.

У верасні мінулага года ў Беларусі быў адкрыты найбуйнейшы ў краіне рэгістрацыйны цэнтр на 30 працоўных месцаў, а ўжо сёлета плануецца адкрыццё дадатковага ў Мінску. Таксама будзе распачата работа па адкрыцці такога цэнтра ў абласных і шэрагу буйных раённых цэнтраў на базе НЦЭП.

У рамках рэалізацыі дзяржпраграмы «Лічбавае развіццё Беларусі» на 2021— 2025 гады працягваецца распрацоўка інфраструктуры воблачнага лічбавага подпісу, які дазволіць падпісваць электронныя дакументы анлайн з выкарыстаннем мабільных прылад без неабходнасці прымянення фізічных носьбітаў. Таксама працягваюцца работы па рэалізацыі магчымасці біяметрычнай ідэнтыфікацыі.

Акрамя гэтага, выпушчана ўжо больш за 430 тысяч ІD-карт з запісанымі на іх сертыфікатамі адкрытага ключа электроннага подпісу, а штодня выпускаецца каля 300 такіх карт. 

Яны дазваляюць аўтарызавацца ў розных інфармацыйных сістэмах, рэсурсах, у тым ліку і на адзіным партале электронных паслуг.