Кожны сезон цвіцення рапсу ў яркіх, жоўтых палях можна назіраць натоўпы тых, хто фатаграфуецца. Несумненна, прыгажосць прыроды проста рукі свярбяць захаваць, а фоткі ж якія атрымліваюцца — эфектныя і яскравыя. Але ж мы з вамі не пчолкі, якія прыносяць карысць квітнеючым культурам, а ў пагоні за ўдалым кадрам можам і нашкодзіць раслінам.

Закон не забараняе рабіць такія фатаграфіі. Але не трэба абрываць, ламаць, таптаць расліны, якія з’яўляюцца харчовай культурай сельскагаспадарчага прызначэння.

Забароны на такія фотасесіі сапраўды няма, а вось адказнасць наступіць можа.

Пашкоджанне парасткаў рапсу можна расцаніць як наўмыснае знішчэнне або пашкоджанне чужой маёмасці, якое пацягнула прычыненне шкоды ў нязначным памеры. Санкцыя артыкула 11.3 Кодэкса аб адміністрацыйных правапарушэннях Рэспублікі Беларусь прадугледжвае штраф у памеры да 30 базавых велічынь (1350 рублёў).