Новая тэхналогія дазваляе адсочваць з’яўленне, мутацыі і перадачу віруса значна хутчэй, чым раней. У тэорыі, штучны інтэлект можа выявіць небяспечны патаген яшчэ да таго, як першы заражаны пацыент паступіць у бальніцу. Гэта дазволіць загадзя прыняць меры па прадухіленні эпідэміі. Алгарытм таксама дазволіць сачыць, як муціруе вірус, без тэсціравання людзей.

Даследчая група прааналізавала 3700 проб сцёкавых вод, сабраных на ачышчальных збудаваннях у 2021 — 2023 гадах. Вынікі паказалі, што штучны інтэлект паспяхова ідэнтыфікаваў розныя варыянты вірусаў на падставе двух — пяці узораў. Гэта значна пераўзыходзіць існуючыя метады.

Папярэднія спосабы тэсціравання патрабавалі ведання генетычнай структуры віруса. Яны ў значнай ступені грунтаваліся на клінічных даных ад пацыентаў, якія ўжо прайшлі тэсціраванне. Такім чынам, новыя штамы выяўлялі ўжо пасля таго, як яны пачыналі курсіраваць у грамадстве. Эпіднагляд за сцёкавымі водамі дае магчымасць прымаць больш своечасовыя і актыўныя меры грамадскай аховы здароўя, адзначылі аўтары навуковай работы.

Фота з адкрытых крыніц