Афіцыйная цырымонія адкрыцця прайшла на пляцоўцы каля Мінскага міжнароднага выставачнага цэнтра. У ёй прынялі ўдзел ганаровыя госці, сярод якіх намеснікі прэм’ер-міністра Юрый Шулейка і Віктар Каранкевіч, старшыня Прэзідыума НАН Беларусі Уладзімір Каранік, міністр сельскай гаспадаркі і харчавання Юрый Горлаў, міністр прамысловасці Аляксандр Яфімаў, намеснік Генеральнага сакратара Шанхайскай арганізацыі супрацоўніцтва Джанеш Кейн.

«Сёння вельмі адказны дзень — адкрываем 35-ю, юбілейную прафесійную выставу вытворцаў сельскай гаспадаркі, перапрацоўчай прамысловасці і машынабудаўнічага комплексу, які суправаджае ўвесь працэс жыццядзейнасці сельскай гаспадаркі. Вельмі прыемна, што на нашым мерапрыемстве прысутнічае вялізная колькасць удзельнікаў. Іх колькасць расце з году ў год», — сказаў Юрый Шулейка.

Віцэ-прэм’ер адзначыў, што на «Белагра» прадстаўлены дасягненні ва ўсіх галінах сельскай гаспадаркі, у сельгасмашынабудаванні. «Набытак нашай краіны — харчовая бяспека, якую мы забяспечылі ўжо даўно і перайшлі ў плоскасць экспарту. Сёння нашы прадукты прадстаўлены ў больш як 100 краінах. Мы актыўна працуем і запрасілі гасцей з Афрыкі, Азіі — краін далёкай дугі, якія сёння пачынаюць разумець, што такое беларускія прадукты на смак і што беларусы — сапраўдныя партнёры», — дадаў Юрый Шулейка.

/Будзе дапоўнена/.