Беларусь збіраецца выбудоўваць зладжаныя эканамічныя адносіны з КНДР на ўзаемавыгаднай аснове. Аб гэтым заявіў журналістам намеснік прэм’ер-міністра Юрый Шулейка, які ў складзе беларускай дэлегацыі прысутнічаў на перагаворах лідараў дзвюх краін, паведаміла БелТА.
Паводле яго слоў, эканамічнае супрацоўніцтва Беларусі і КНДР паступова развіваецца, у тым ліку пры актыўным садзейнічанні пасольства гэтай краіны ў Мінску. У аснове ўзаемнага гандлю — пастаўкі харчовай прадукцыі з Беларусі (уключаючы сухое малако і мясную прадукцыю), а таксама фармацэўтычнай і сельскагаспадарчай. Акрамя таго, у КНДР працуюць айчынныя БЕЛАЗы. «Гэта першыя крокі ў тых напрамках, якія мы ў далейшым будзем развіваць у бліжэйшы час», — сказаў віцэ-прэм’ер.
Юрый Шулейка растлумачыў, што пакуль бакі не ставяць перад сабой мэту па дасягненні нейкіх канкрэтных лічбаў тавараабароту, таму што ёсць шэраг аб’ектыўных і суб’ектыўных цяжкасцей для нарошчвання ўзаемадзеяння. Гэта, напрыклад, геаграфічная аддаленасць адзін ад аднаго, санкцыйныя абмежаванні. «Прэзідэнт сказаў: працуйце. Гэта будуць лічбы, якія мы ў спакойным рэчышчы будзем абмяркоўваць з нашымі партнёрамі, — адзначыў віцэ-прэм’ер. — Нам трэба выбудоўваць зладжаныя эканамічныя адносіны, каб быць узаемавыгаднымі адзін аднаму».
