У аўторак, 29 ліпеня, лідар нашай мужчынскай каманды спаборнічаў на дыстанцыі 50 метраў брасам. Раніцай па выніках папярэдніх заплываў Шымановіч паказаў восьмы рэзультат сярод 83 спартсменаў (26,89 сек). Днём мінчанін праплыў 50 метраў за 26,94 сек і стаў пятым у сваім паўфінале, у агульнай табліцы на гэтай стадыі час Ільі аказаўся дзясятым. Ад пападання ў васьмёрку мацнейшых беларуса аддзялілі дзве сотыя секунды. Раней Шымановіч заняў 11-е месца на стаметроўцы брасам.