У фінальны дзень спаборніцтваў лідар нашай мужчынскай каманды выступаў на дыстанцыі 50 м брасам. Шымановіч заняў першае месца па выніках ранішняй кваліфікацыі, а ў вячэрнім фінале таксама быў лепшым — пераможны рэзультат склаў 26,59 сек, што на секунду хутчэй, чым у сярэбранага прызёра Кірыла Прыгоды з Расіі.

Гэты залаты медаль стаў для Ільі чацвёртым на Mare Nostrum у 2025 годзе, усяго мінчанін заваяваў на турніры шэсць узнагарод (4-0-2).