У сераду, 23 ліпеня, у многіх раёнах чакаюцца дажджы, навальніцы, месцамі пры навальніцах моцныя ліўні, у дзённы час магчымы град. У сувязі з чым аб’яўлены аранжавы ўзровень небяспекі. Пра гэта паведамляе sb.by са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У сераду ноччу і раніцай у асобных раёнах туман. Вецер заходні 3-8 м/с, пры навальніцах парывы да 14 м/с, месцамі шквалістае ўзмацненне парывамі 15-20 м/с. Тэмпература паветра мінімальная ноччу ад +13 °С да +19 °С, максімальная днём ад +21 °С да +27 °С.
