У Беларусі 2 сакавіка чакаецца воблачнае з праясненнямі надвор'е. На асобных участках дарог магчымая галалёдзіца. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Уначы будзе пераважна без ападкаў. Раніцай і днём месцамі, а па паўночным усходзе краіны ў многіх раёнах прагназуюцца невялікія ападкі (мокры снег, дождж). Ноччу і раніцай месцамі магчымы слабы туман, на асобных участках дарог галалёдзіца. Вецер заходні, умераны. 

Тэмпература паветра ўначы складзе мінус 4 - плюс 2 градусы. Днём слупкі тэрмометраў пакажуць ад нуля па паўночным усходзе да плюс 11 градусаў па паўднёвым захадзе Беларусі.