Плошча незвычайнай пабудовы на даху складае каля 224 квадратных метраў. Унутры будынка знаходзіцца трохпакаёвая кватэра, а на прылеглай тэрыторыі — зона адпачынку, тэраса з раслінамі, садовая мэбля, батут.

Саўласнікі будынка доўгі час думалі, што на верхніх паверхах ідзе звычайны рамонт. У праекце было сказана, што плануюць адрамантаваць выхад на дах.

Паводле слоў аднаго з саўласнікаў Андруса Норкуса, згоды на ўзвядзенне такой пабудовы на даху ён не даваў. Таксама ён сказаў, што дазвол на рэканструкцыю не выдаваўся. Мужчына звярнуўся ў будаўнічую інспекцыю. Аднак там адзначылі, што аб’ект існуе ўжо даўно і зварот паступіў занадта позна, таму нічога расследаваць не будуць. Норкус таксама сказаў, што ў выніку інспекцыя не выявіла парушэнняў.