Самым небяспечным вірусам ужо доўгі час застаецца шаленства. За год ён забірае прыкладна 59 тыс. жыццяў. Пры заражэнні верагоднасць смяротнага канца практычна 100 %.

Часцей за ўсё вірус перадаецца праз жывёл, звычайна сабак. Больш за ўсё шаленствам заражаюцца жыхары Афрыкі і Паўднёва-Усходняй Азіі. У тым ліку таму, што ў гэтых рэгіёнах ёсць праблема з доступам да вакцыны, якая ўжо існуе.

Рэдкія, але смяротныя

Пры заражэнні В-вірусам ці ж вірусам Лухо шанцы выжыць складаюць усяго 20 %. Але падхапіць іх вельмі складана.

В-вірус фіксаваўся толькі ў Азіі, яго ахвярамі стаў 21 чалавек, а перадаецца ён праз заражаных макак. А вось Лухо адкрылі толькі ў 2008 годзе ў Паўднёвай Афрыцы. Там загінулі чатыры чалавекі.

Лятальнасць у 40–75 % мае вірус Ніпах, але ў апошні час ён актыўна распаўсюджваецца. Вядома аб 600 ахвярах, а на наяўнасць віруса пачалі правяраць і тых, хто прыязджае ў Беларусь з Паўднёва-Усходняй Азіі.

Таго ж поля вірус Хендра, заражэнні якім фіксавалі ў Аўстраліі. Вакцыны ад яго няма, лятальнасць — 57 %, а памёрла чатыры чалавекі.

Таксама ў сумны топ-10 увайшлі вірусы, якія выклікаюць гемарагічныя ліхаманкі — гэта вядомая шматлікім Эбола і Марбург. Смяротнасць — 50 %, а ўспышкі фіксуюцца ў Заходняй Афрыцы.

У высокапатагеннага птушынага грыпу H5N1 лятальнасць дасягае каля 50 %. Яго можна падчапіць у любым пункце свету, але хварэюць на яго вельмі рэдка: зафіксавана толькі 477 смерцяў.

У залежнасці ад месца распаўсюджвання Конга — крымская гемарагічная ліхаманка можа быць смяротная ў 40 % выпадкаў. Яна распаўсюджана ў Еўразіі і Афрыцы, а яе ахвярамі штогод становяцца да 2 тыс. чалавек.

На Блізкім Усходзе праз вярблюдаў можна захварэць на вірус MERS. За 14 гадоў з адкрыцця хваробы ад яе загінула 959 чалавек. Лятальнасць — 36 %.

Даныя аб вірусах былі сабраны з інфармацыі СААЗ, Еўрапейскага цэнтра прафілактыкі і кантролю захворванняў, а таксама міжнародных агенцтваў.