«У 2026 годзе запланавана серыя яркіх падзей, якія аб’ядноўваюць нацыянальныя традыцыі і сучаснае мастацтва. Культурныя фестывалі — жамчужыны нашага календара. Мы ганарымся развіццём такіх знакавых праектаў, як «Славянскі базар у Віцебску», які ў бягучым годзе будзе 35-м і прыцягне тысяч зорак эстрады, сотні тысяч гледачоў. У 2025 годзе фестываль наведала рэкордная колькасць гледачоў. Анлайн-трансляцыю паглядзелі звыш 15 млн чалавек, а на сцэнічных пляцоўках горада пабывалі больш за 200 тыс. чалавек», — падзялілася Вераніка Шышкоўская.

У сферы музычнага мастацтва і харэаграфіі прызнанне атрымала свята «Купалле» («Александрыя збірае сяброў»). «У 2025 годзе таксама была рэкордная колькасць наведвальнікаў — звыш 115 тыс. чалавек», — адзначыла Вераніка Шышкоўская.

Запланаваны і міжнародны фестываль мастацтваў «Беларуская музычная восень», Міжнародны фестываль сучаснай харэаграфіі. У Брэсце пройдзе міжнародны тэатральны фестываль «Белая вежа», у Гродне — міжнародны фестываль лялечнага мастацтва «Лялькі над Нёманам», у Лідзе — адкрыты рэгіянальны фестываль-конкурс вакальна-эстраднай творчасці «Зорны дождж-2026», які па праву называюць мясцовай «Фабрыкай зорак».

Знакавыя міжнародныя фестывалі і святы адбудуцца ў раёнах: «Браслаўскія бліскавіцы», «Залатая пчолка» (Клімавічы), «Звіняць цымбалы і гармонік» (Паставы), «Вянок дружбы» (Бабруйск), «Дзве ракі» (Докшыцы), «Кліч Палесся» (Ляскавічы), «Сожскі карагод» (Гомель), «Халі-Хало» (Наваполацк). Таксама пройдзе Рэспубліканскі фестываль нацыянальных культур у Гродне.

Адным з самых яркіх мерапрыемстваў Мінскай вобласці стане Нацыянальны фестываль беларускай песні і паэзіі «Маладзечна». У Брэсцкай вобласці на 2026 год запланавана правядзенне больш як 50 брэндавых мерапрыемстваў. Сярод іх фальклорны фестываль «Мотальскія прысмакі», фестываль духоўнай музыкі «Беларускія фанфары» і іншыя.

«Таксама майстры збіраюцца ў Баранавіцкім раёне на абласным фестывалі кавальскай справы «Крашынскі перазвон», а ў Ганцавіцкім раёне — на фестываль народных промыслаў і рамёстваў «3 народнымі традыцыямі ў новы век», — адзначыла кансультант упраўлення культуры і народнай творчасці Міністэрства культуры.

Прадугледжана і правядзенне маштабнай культурнай акцыі «Бібліяноч». «Так, 24 красавіка публічныя бібліятэкі ва ўсіх абласцях, раёнах і гарадах Беларусі будуць працаваць да позняй ночы з рознымі тэматычнымі праграмамі. Мерапрыемства прадугледжвае інтэрактыўныя экскурсіі, майстар-класы, сустрэчы з пісьменнікамі і квесты для ўсіх узростаў з бясплатным уваходам», — расказала Вераніка Шышкоўская.

Яшчэ адзін значны напрамак — гістарычныя рэканструкцыі і фестывалі, якія ўзнаўляюць атмасферу рыцарскіх турніраў, сярэдневяковых баталій і побыту мінулых эпох