Па даных следства, учора каля 18:40 у офісным памяшканні, размешчаным у шасціпавярховым доме па вул. Леніна, 9, дырэктар адной з кампаній адчуў пах гару і паведаміў аб гэтым у МНС. Неўзабаве агонь ахапіў увесь мансардны паверх. 

Як паведамлялася, ратавальнікі ліквідавалі пажар. У выніку пажару ніхто не пацярпеў. Цяпер на месцы працягвае працаваць следча-аператыўная група з прыцягненнем экспертаў-пажаратэхнікаў УДКСЭ па г. Мінску. Фіксуецца следавая карціна, апытваюцца відавочцы. 

Абставіны здарэння будуць устаноўлены ў ходзе праверкі Ленінскім (г. Мінска) раённым аддзелам Следчага камітэта.