17 жніўня на рудніку 2 РУ ААТ «Беларуськалій» адбыўся няшчасны выпадак са смяротным зыходам. Падчас агляду горных выпрацовак лавы адбылося абвальванне парод крыцця, у выніку якога траўму атрымаў 49-гадовы горны майстар. Пацярпелы быў экстранна дастаўлены ў Салігорскую цэнтральную раённую бальніцу, дзе, нягледзячы на ўсе намаганні ўрачоў, памёр. 

Цяпер абставіны і прычыны трагедыі расследуе Салігорскі раённы аддзел Следчага камітэта. На месцы здарэння працавала ўжо следча-аператыўная група з прыцягненнем спецыялістаў УДКСЭ па Мінскай вобласці. Падчас першапачатковых следчых дзеянняў была зафіксавана следавая карціна, апытаны відавочцы, а таксама канфіскавана дакументацыя, якая датычыцца выканання патрабаванняў тэхнікі бяспекі і аховы працы. Для высвятлення ўсіх дэталяў прызначаны шэраг экспертных даследванняў. Канчатковыя прычыны і ўмовы, якія прывялі да гібелі работніка, будуць устаноўлены па выніках праверкі.