Паводле звестак следства, 20 красавіка ва ўстанову аховы здароўя Баранавічаў паступіла 18-гадовая дзяўчына з прыкметамі родаў. Супрацоўнікі міліцыі неадкладна выехалі на месца яе знаходжання, дзе знайшлі ў пакеце цела нованароджанага дзіцяці з цялеснымі пашкоджаннямі.

На месцы здарэння працавала следча-аператыўная група. Праведзены дэталёвы агляд, зафіксавана следавая карціна, а таксама дапытаныя сведкі і прызначаны шэраг экспертных даследаванняў, у тым ліку для ўстанаўлення дакладнай прычыны смерці. 

У цяперашні час следчымі ўстанаўліваюцца ўсе абставіны здарэння, аднаўляецца храналогія падзей, умовы, у якіх знаходзілася дзяўчына, а таксама прычыны, якія спрыялі трагедыі.