Кіраўнік Міжнароднай федэрацыі футбола (ФІФА) Джані Інфанціна быў асабіста ўцягнуты ў гучны скандал: ён непасрэдна займаўся адменай чырвонай карткі нападаючага зборнай ЗША Фаларына Балогуна падчас чэмпіянату свету 2026 года, паведамляе New York Post са спасылкай на чатыры крыніцы.
Амерыканец Балогун атрымаў прамую чырвоную картку ў гульні 1/16 фіналу ЧС-2026 супраць зборнай Босніі і Герцагавіны (2:0) і павінен быў прапусціць наступную сустрэчу. Аднак ФІФА пад напорам кіраўніка ЗША Дональда Трампа прыпыніла дзеянне аўтаматычнай дыскваліфікацыі і прызначыла выпрабавальны тэрмін у адзін год, таму форвард змог згуляць у матчы 1/8 фіналу супраць зборнай Бельгіі. Гэта, праўда, амерыканцам не дапамагло, яны саступілі з лікам1:4.
— Інфанціна парушыў правілы і адмяніў чырвоную картку Балогуна падчас тэлефоннай размовы з прэзідэнтам ЗША Дональдам Трампам. Функцыянер пагадзіўся адмяніць дыскваліфікацыю форварда, парушыўшы дысцыплінарны кодэкс ФІФА, падчас перагавораў з Трампам 1 ліпеня, — сказана ў матэрыяле выдання.
— Ён сказаў прэзідэнту Трампу, што паклапоціцца пра гэта. Адзін званок — і ўсё было зроблена, — расказала выданню адна з крыніц.
Джані Інфанціна ўзначальвае ФІФА з 2016 года, раней ён аб’явіў аб намеры ўдзельнічаць у выбарах на пасаду кіраўніка сусветнага футбола ў 2027 годзе. Пры гэтым яго актыўнасць па продажы камерцыйных правоў ФІФА выклікала рэзкую незадаволенасць многіх асацыяцый, асабліва ў Еўропе. УЕФА пагражае Інфанціна крымінальным пераследам.
