Першы камплект узнагарод быў разыграны ў жаночай спрынтарскай гонцы на 7,5 км. Найлепшы рэзультат на фінішы паказала лідар нацыянальнай каманды Дзінара Смольская, якая справілася з дыстанцыяй за 21 хвіліну 47,5 сек. Другое месца з адставаннем ад чэмпіёнкі — 25 сек. — заняла Ганна Сола, тройку замкнула Ксенія Варабей (+50 сек.).

Далей у аўторак мацнейшых у спрынце на 10 км вызначаць мужчыны. Праграму чэмпіянату Беларусі па летнім біятлоне ў «Раўбічах» завершаць гонкі з масавым стартам 25 верасня.