З-за снегападу ў 26 дэпартаментах на поўначы Францыі абвешчана «аранжавае» папярэджанне, на аўтамагістралі абмежавалі хуткасць да 80 км/г і забаранілі рух цяжкіх фур, якія перавозяць небяспечныя рэчывы. Гэта мера прынятая для зніжэння рызыкі аварый на слізкіх з-за снегу і галалёду дарогах. Даўжыня затораў у сталічным рэгіёне Іль-дэ-Франс дасягнула 901 км — больш за папярэдні рэкорд 2018 года (739 км).

У прэфектуры Іль-дэ-Франс аб'явілі, што з-за дрэнных умоў надвор’я не будуць курсіраваць школьныя аўтобусы і міжгародні грамадскі транспарт. 

Міністр транспарту Францыі Філіп Табаро заклікаў пазбягаць паездак на прыватных аўтамабілях. Для ачысткі дарог ад снегу прыцягнутыя больш за 7 тыс. работнікаў камунальных службаў.

Па даных BFMTV, галоўнае ўпраўленне грамадзянскай авіяцыі Францыі таксама заклікала авіялініі адмяніць 15 % рэйсаў у парыжскіх аэрапортах да позняга вечара 6 студзеня з-за складаных умоў надвор’я.