Удзел у жаночым пасьюце на 10 км прыняла 31 біятланістка. Ганна Сола стартавала 11-й. Абодва агнявыя рубяжы са становішча лежачы беларуска прайшла без штрафных кругоў, дзякуючы чаму паднялася ў тройку. На стральбе стоячы ў няпростым ветравым становішчы Сола ў агульнай складанасці дапусціла тры памылкі, але суперніцы прамахваліся не радзей. У выніку Ганна перасекла фінішную рысу другой, саступіўшы толькі расіянцы Наталлі Шаўчэнка.

З апошняй мяжы трэцяй сыходзіла наша Дынара Смольская, але на заключнае кола сіл у яе не хапіла. Беларуска заняла сёмую пазіцыю, бронзу заваявала Анастасія Халілі, якая на некалькі дзясятых секунды апярэдзіла лідара агульнага заліку Кубка Садружнасці Крысціну Разцову. 

Наша Ірына Шаклеіна паказала 18-ы вынік, Алена Кулак стала 20-й, Вікторыя Шашкова — 25-я, Ксенія Варабей — 28-я, Аліна Зайцава замкнула выніковы пратакол. У 15:00 на старт гонкі праследавання выйдуць мужчыны, пад трэцім нумарам на дыстанцыю ўцячэ Антон Смольскі.