«Мы заўсёды знаходзіліся ў вельмі сур’ёзнай сітуацыі. На жаль, на сённяшні дзень тэндэнцыя да таго, што спакайней не становіцца. Паглядзеўшы на карту, мы бачым, што мы практычна акружаны ваеннымі падраздзяленнямі з усіх бакоў. Адзінае акно на ўсходзе з Расійскай Федэрацыяй, дзе ў нас крыху лягчэй. Але я б не сказаў, асабліва ў сувязі з апошнімі падзеямі ва Украіне, калі невядома адкуль і незразумела адкуль могуць заляцець на тваю тэрыторыю беспілотнікі. Скажам шчыра, і мы не навучыліся яшчэ на 100 % рэагаваць на гэтыя ўсе залёты і не навучыліся іх на 100 % знішчаць. Не ведаю, ці магчымыя гэтыя 100%. Але да гэтага трэба нам імкнуцца. Пра гэта таксама пагаворым», — сказаў кіраўнік дзяржавы.

Аляксандр Лукашэнка адзначыў, што зацвярджэнне ў пачатку года на самым высокім узроўні рашэнняў на ахову дзяржграніцы — гэта добрая ваенная традыцыя, якая ўстанавілася ўжо на працягу многіх гадоў. «Цяпер гэта (супрацьдзеянне пагрозам пагранічнай бяспецы. — Заўв. БелТА) як ніколі актуальна. Напэўна, актуальней, чым іншыя ваенныя пагрозы. Як я ўжо казаў, таму што нашы пагранічнікі пастаянна ў баявой гатоўнасці. У іх іншай і гатоўнасці няма. Заўсёды поўная баявая гатоўнасць. Яны гатовыя, як у ваенны час, працаваць. Таму што на апошніх метрах, як у нас казалі, нашай Радзімы ім давераны гонар і права хадзіць», — адзначыў Прэзідэнт.

Кіраўнік дзяржавы папрасіў далажыць, як складваецца цяпер сітуацыя на граніцы, як плануецца дзейнічаць у гэтым годзе і што ў гэтым плане неабходна зрабіць.