31-гадовы Хары Чандра Гіры на руках спусціўся са 100 прыступак лесвіцы ўсяго за 44,71 секунды. Ён устанавіў гэты рэкорд у павеце Юньянь. «У Кітаі культавыя лесвіцы, таму я адчуў, што гэта правільнае месца, каб прадэманстраваць мае ўменні», — адзначыў Гіры.

Да гэтага спартсмен трэніраваўся паўгода, робячы ўпор на мышцы рук і кора. І ён не прапускаў трэніроўкі нават у непагадзь, але, паводле яго слоў, хуткасная хадзьба на руках — рызыкоўны занятак.

«Падзенне з вышыні 100 прыступак на галаву, шыю ці пазваночнік можа каштаваць жыцця. Таму ў мяне былі назіральнікі, я правяраў кожны крок і спыняўся, калі ў мяне пачыналі слізгаць рукі ці стамляліся плечы», — кажа спартсмен.

«Трэніруйцеся з розумам, прымайце да ўвагі рызыкі і ніколі не прапускайце асновы», — дадаў ён.