Дзеючыя чэмпіёны краіны спартсмены «Сталіцы» пасля стартавага паражэння ад брастаўчан (1:4) прымалі на сваёй арэне гомельскі ВРЗ і выйгралі з вынікам 3:1.

Гомельскі клуб БЧ атрымаў другую вікторыю, разграміўшы на сваёй пляцоўцы светлагорскі ЦКК — 7:1. Пазней сталічны «Дарожнік» прыме ў Мінску «Барысаў-900», а «Ліда-Буцікаўто» згуляе на сваёй пляцоўцы з мінскім клубам «Дынама-Ахова».

Напярэдадні сваю другую перамогу здабыў сярэбраны прызёр аршанскі «Вітэн», які абыграў у сябе дома брэсцкі «Меркурый-ДМК» — 7:5. З такім жа вынікам спартсмены «Мінска» перамаглі на сваёй пляцоўцы гродзенскае «УУС-Дынама».

Па шэсць ачкоў з шасці магчымых набралі «Вітэн» і БЧ, ні аднаго бала ў двух турах не зарабілі «УУС-Дынама» і ЦКК.