На Ўніверсіядзе атлетам дзвюх краін дазволена выступаць у нейтральным статусе, пра што нагадала прэс-служба турніру. Беларусы і расіяне, а таксама суправаджаючы персанал далучацца да парада, ідучы перад камандай краіны-арганізатара.

— Перад нейтральнымі спартоўцамі будуць несці таблічку з абрэвіятурай AIN (індывідуальныя нейтральныя атлеты), а таксама FISU. Нейтральным атлетам і іх персаналу забаронена ўдзельнічаць у любых альтэрнатыўных цырымоніях, арганізаваных трэцімі бакамі падчас або пасля мерапрыемстваў FISU, — удакладнілі ў прэс-службе.