Кіраўнік дзяржавы Аляксандр Лукашэнка падпісаў распараджэнне аб зацвярджэнні рашэння савета спецыяльнага фонду Прэзідэнта Беларусі па падтрымцы таленавітай моладзі. Пра гэта паведамілі ў прэс-службе беларускага лідара.
На гэтыя мэты з рэспубліканскага бюджэту за кошт сродкаў рэзервовага фонду будзе накіравана больш за Br240 тыс.
Уладальнікамі гранд-прэмій з прысваеннем звання лаўрэата спецыяльнага фонду сталі 13 пераможцаў міжнародных мастацка-творчых спаборніцтваў, у тым ліку два калектывы — народны харэаграфічны ансамбль «Сузор’е» Палаца культуры Салігорска і дуэт Беларускай дзяржаўнай харэаграфічнай гімназіі-каледжа.
Спецыяльныя прэміі прысуджаны пераможцам міжнародных і рэспубліканскіх творчых конкурсаў — 26 прадстаўнікам таленавітай моладзі і 12 творчым калектывам, сярод якіх ансамбль народнай песні «Дзвінскія пералівы» Наваполацкага дзяржаўнага музычнага каледжа, вакальны ансамбль «Карагод» Дзіцячай школы мастацтваў № 1 імя Я. К. Цікоцкага г. Бабруйска, узорны ансамбль танца «Мілавіца» Уваравіцкага цэнтра дзіцячай творчасці Буда-Кашалёўскага раёна, узорны інструментальны ансамбль «Джайв-акорд» Жодзінскай дзіцячай школы мастацтваў і іншыя.
Прэміяй «За ўклад у выхаванне таленту моладзі» адзначаны 13 педагогаў.
Дадзеныя рашэнні накіраваны на выяўленне і падтрымку таленавітай моладзі, стварэнне дадатковых магчымасцяў і спрыяльных умоў для развіцця яе здольнасцяў, стымуляванне прафесійнай дзейнасці педагогаў.
