Характарызуючы лічбавыя сэрвісы для падарожнікаў, Юлія Красько нагадала аб функцыянале дзеючага партала Нацыянальнага агенцтва па турызме. «Развіваць турызм, не развіваючы лічбу, немагчыма. У Нацыянальнага агенцтва па турызме ёсць шырока напоўнены сайт belarus.travel, дзе шмат інфармацыі аб тым, якія мясціны можна наведаць у Беларусі. Ёсць даволі шмат гатовых маршрутаў. Карыстальнік можа праз фільтры шукаць тое, што яму бліжэй, задаючы свае параметры, свае патрэбнасці, якія рэгіёны ён хоча наведаць», — адзначыла яна.

Праходзіць апрабацыю новы прадукт — «Разумны горад», які ствараецца Цэнтрам лічбавага развіцця. «Там будзе асобны партал, прысвечаны турызму. Мы сумесна займаемся яго напаўненнем. І нам хацелася б, каб гэта была не проста такая інфармацыйная платформа, дзе можна знайсці нейкія лакацыі, мясціны, якія можна наведаць. Нам хацелася б, каб гэта быў сапраўды карысны і жывы прадукт з укараненнем ШІ-асістэнта, які дасць магчымасць, задаючы свае параметры, будаваць гатовыя маршруты, браніраваць адразу пражыванне, арыентавацца ў месцах, дзе можна перакусіць па дарозе, каб гэта быў паўнацэнны прадукт для турыста», — растлумачыла начальнік аддзела стратэгічнага планавання.
Нядаўна стартаваў нацыянальны конкурс «Вобраз Беларусi. Позірк і адкрыццё». «У ім можа прыняць удзел абсалютна любы беларус, як фізічныя, так і юрыдычныя асобы. Асноўны пасыл конкурсу — распрацоўка комплекснай канцэпцыі турыстычнага брэнда Беларусі: і слоган, і лагатып, і ў цэлым прапрацоўка турыстычнага брэнда. З чым мы хацелі б асацыіравацца наогул у турыста ўнутранага і замежнага, што мы хацелі б падсвяціць, дзе мы бачым свае моцныя бакі і сваю візітную картку», — дадала Юлія Красько.

Для конкурсу прадугледжаны прызавы фонд у памеры 22 тыс. рублёў. Заяўкі прымаюцца да 1 лістапада. «Пададзена ўжо больш за 300. Найбольшую актыўнасць праяўляюць Мінск і Гомельская вобласць», — падкрэсліла яна.