Як расказалі ў ведамстве, у пункце пропуску «Каменны Лог» грамадзянін Беларусі меў намер завезці без дэкларавання новыя швейцарскія наручныя гадзіннікі коштам больш за Br21 тыс. Другі — прыладу для аўтаматычнай падзарадкі швейцарскіх механічных гадзіннікаў коштам больш за Br17 тыс. Перамяшчалі яны дарагія тавары сярод асабістых рэчаў, заявіўшы пры вусным апытанні аб адсутнасці тавараў, якія падлягаюць дэклараванню. Грамадзяне прыцягнуты да адміністрацыйнай адказнасці па ч. 4 арт.15.5 КаАП Рэспублікі Беларусь. 

У ДМК нагадалі, што для асабістага карыстання без выплаты мытных пошлін на тэрыторыю ЕАЭС можна завезці наземным транспартам тавары коштам да 500 еўра і вагой не больш за 25 кг.

Пры выкананні названых умоў можна выбраць для перасячэння граніцы зялёны калідор пункта пропуску. У выпадку перавышэння ўстаноўленых нормаў трэба будзе выплаціць мытныя плацяжы па стаўцы 30 % ад кошту, але не менш за 4 еўра за 1 кг вагі ў частцы перавышэння. Перасякаць граніцу неабходна па чырвоным калідоры і дэклараваць тавары, што перавозяцца.