Пэўныя падазрэнні ў работнікаў падраздзялення выклікаў грузавы аўтамабіль на ахоўным аб’екце. Яго спынілі для праверкі. «Пры даглядзе транспартнага сродку ў прычэпе быў знойдзены старанна замаскіраваны груз — лом каляровых металаў. Якіх-небудзь суправаджальных дакументаў на груз у кіроўцы не было. За рулём быў 42-гадовы жыхар Жлобіна, які працуе на адным з прадпрыемстваў прамсектара раёна. Выкарыстоўваючы службовы доступ, ён паспрабаваў незаконна вывезці з тэрыторыі прадпрыемства каштоўныя рэсурсы», — растлумачылі ў Дэпартаменце аховы.

Агульная вага незаконнага грузу склала 336 кг, уключаючы 158 кг меднага і 178 кг латуннага лому. Уся партыя была вернута на склад прадпрыемства.

Праводзіцца праверка.