«Перш за ўсё ў паўднёвых частках Германіі недахоп ападкаў можа прывесці да зніжэння ўраджайнасці ці нават да поўнага неўраджаю асобных культур», — адзначыў кіраўнік DBV Ёахім Руквід.

Паводле даных DBV, у гэтым годзе чакаецца зніжэнне ўраджаю збожжавых на 7%, а рапсу — на 20%. У некаторых рэгіёнах краіны таксама не хапае кармоў для жывёлы, у сувязі з чым фермерам даводзіцца несці страты і пускаць жывёлу на забой.

Асацыяцыя нямецкіх фермераў чакае неадкладнай фінансавай падтрымкі ад уладаў. «Нашы прадпрыемствы маюць патрэбу ў насенні і дызельным паліве, пазней — ва ўгнаеннях і сродках абароны раслін. Інакш пад пагрозай апынецца ўраджай і ў наступным годзе», — адзначыў Руквід.

Раней паведамлялася, што спякота, засуха і лясныя пажары ў еўрапейскіх краінах могуць справакаваць рэзкі скачок цэн на шэраг прадуктаў харчавання. Фермеры Еўропы таксама папярэдзілі пра зніжэнне ўраджайнасці сланечніку, кукурузы і пладоў аліўкавага дрэва. Калі ўмовы надвор’я не палепшацца, павышэння цэн варта чакаць восенню.