У экспазіцыі сабраны розныя выданні, якія усебакова паказваюць развіццё бібліятэк усяго свету. 

— Перад вамі больш за 60 дакументаў з фондаў Нацыянальнай бібліятэкі Беларусі, якія расказваюць не толькі пра найбуйнейшыя бібліятэкі нашай краіны, але і пра бібліятэкі краін СНД, а таксама пра самыя вядомыя бібліятэкі свету. Многія выданні прадстаўляюць сабой высокамастацкія фотаальбомы, што дазваляе убачыць, што бібліятэка — гэта сапраўдныя архітэктурныя аб’екты і помнікі гістарычнай спадчыны, — адзначыла галоўны бібліятэкар сектара арганізацыі кніжных выстаў Святлана Зайко.

Выстава падзелена на некалькі раздзелаў. Паступова можна азнаёміцца са скарбніцамі самых розных бібліятэчных устаноў, даведацца пра нешта новае і цікавае. 

Наведаць экспазіцыю можна па 31 снежня ў кальцавой галерэі другога паверха.

Лізавета ГОЛАД, фота аўтара.