Трыятлон — алімпійскі від спорту, які спалучае спаборніцтвы ў плаванні, веласпорце і бегу. У 2025 годзе «Мінскі трыятлон» сабраў рэкордную колькасць удзельнікаў — каля 2100, што амаль на тысячу чалавек больш за паказчык мінулага года. Аматары спорту мелі магчымасць заявіцца на тры індывідуальныя дыстанцыі: спрынт (заплыў на 0,5 км, велагонка на 20 км і забег на 5 км), «Алімпік» (1 — 40 — 10,5) і «Палавінка» (1,9 — 90 — 21).

На першым плавальным этапе ўдзельнікі спаборнічалі на вадасховішчы Дразды, веласіпедны маршрут быў пракладзены па праспекце Пераможцаў, старт фінальнаму бегавому этапу быў дадзены ля Палаца спорту, адкуль атлеты рухаліся ў бок стэлы «Мінск — горад-герой» і назад.

Перамогу на самай прэстыжнай дыстанцыі «Палавінка» ў мужчын атрымаў расіянін Кірыл Краўчанка, які справіўся за 4 гадзіны 1 хвіліну і 42 секунды. Тройку прызёраў дапоўнілі яго суайчыннікі Дзяніс хрэсьбін і Андрэй Панчанка. У жанчын першае і другое месцы занялі Вольга Фядотава і Наталля Грыгор’ева з Расіі, беларуска Кацярына Кудзелка стала трэцяй. Лепшыя вынікі на дыстанцыі «Алімпік» паказалі расіянін Павел Самохін і наша Аліна Сіневіч, поспех у спрынце святкавалі беларусы Аляксандр Васільеў і Соф’я Крывецкая. Акрамя таго, удзельнікі «Мінскага трыятлона» разыгралі медалі ў эстафетах. Пераможцам у "Алімпіку«стала каманда ВА «Беларуснафта», трэцімі фінішавалі прадстаўнікі ГУУС Мінгарвыканкама. У спрынце першынствавала каманда міністэрства па надзвычайных сітуацыях, таксама на п’едэстал падняліся супрацоўнікі Дзяржаўнага пагранічнага камітэта.