Як адзначылі ў праваахоўным ведамстве, вясной і летам міліцыя надае асаблівую ўвагу ахове грамадскага парадку ў цэнтральнай частцы Мінска, гарадскіх парках, скверах. З гэтага года ў цэнтры горада супрацоўнікі патрульна-паставой службы міліцыі Ленінскага РУУС будуць несці службу на электраскутарах, што павысіць іх мабільнасць нават ва ўмовах напружанага аўтамабільнага трафіку і шматлюднасці, а таксама дасць магчымасць яшчэ больш аператыўна аказваць дапамогу грамадзянам, якія ў ёй маюць патрэбу.

«Маршрут руху ўбору пабудаваны так, каб ахапіць галоўныя пункты прыцягнення жыхароў і гасцей сталіцы, забяспечыць для іх бяспечнае баўленне часу. У іншых месцах і зонах адпачынку працягне прымяняцца патруляванне на сігвеях і роварах, будзе задзейнічаны конны патруль, выкарыстоўваюцца квадракоптары», — дадалі ў ГУУС Мінгарвыканкама.