Асаблівы акцэнт зроблены на падтрымцы інавацыйных галін — робатабудавання, беспілотных авіяцыйных сістэм для сельскай гаспадаркі, ЗВЧ-электронікі, станкабудавання і адытыўных тэхналогій, адзначыла начальнік упраўлення тэхнічнага нарміравання і стандартызацыі Дзяржаўнага камітэта па стандартызацыі Рэспублікі Беларусь Аксана Грышкевіч. Бо прамысловасці, паводле яе слоў, патрэбны сучасныя стандарты, якія адпавядаюць духу часу: «Для рэалізацыі гэтых мэт Дзяржстандартам была распрацавана праграма апераджальнай стандартызацыі, якая на сёння ўключае распрацоўку 153 стандартаў. У тым ліку мы атрымалі прапанову ад Міністэрства прамысловасці па даданні да гэтай праграмы новых стандартаў. Абноўленая рэдакцыя будзе зацверджаная намі ў хуткім часе». 

Яшчэ адна амбіцыйная задача, якую паставіў перад сабой Дзяржстандарт па актуалізацыі і праверцы навукова-тэхнічнага фонду, — да 2030 года дасягнуць выніку ў 1 тысячу стандартаў у год.

Акрамя таго, на кантролі — якасць самога фонду. Цяпер ідзе праверка навукова-тэхнічнага ўзроўню каля 600 ДАСТаў. Да 2030 года плануецца дасягнуць іх 85-працэнтнай гарманізацыі з міжнароднымі, асабліва ў высокатэхналагічных галінах. Пры гэтым у Нацыянальным фондзе тэхнічных і нарматыўных прававых актаў ужо налічваецца больш за 32 тысячы дзейных ДАСТаў, якія паспяхова ўжываюць у сваёй рабоце айчынныя прамысловыя прадпрыемствы. І гэта лічба не статычная — яна працягвае расці дзякуючы сістэмнай рабоце ўсіх зацікаўленых ведамстваў. 

Аміна НАЗАРАВА

Фота БелТА