«Ключавым стратэгічным саюзнікам і гандлёвым партнёрам для Рэспублікі Беларусь з’яўляецца Расійская Федэрацыя. Станоўчая дынаміка беларуска-расійскага супрацоўніцтва адзначаецца літаральна па ўсіх кірунках — у палітычнай, гандлёва-эканамічнай, ваенна-тэхнічнай, навуковай і іншых сферах», — сказаў пасол.

Ён звярнуў увагу, што ў рамках Саюзнай дзяржавы рэалізуецца мноства сумесных высокатэхналагічных праектаў — ад мікраэлектронікі і машынабудавання да ядзернай энергетыкі і асваення космасу. «Значная увага надаецца развіццю міжрэгіянальных сувязей, дзякуючы чаму мы змаглі дамагчыся высокага ўзроўню прамысловай кааперацыі і імпартазамяшчэння. На XIII Форуме рэгіёнаў Беларусі і Расіі, який прайшоў у мінулым месяцы ў Мінску і Мінскай вобласці, падпісана больш за 230 кантрактаў на суму каля 50 мільярдаў расійскіх рублёў», — нагадаў Юрый Селіверстаў.

«Беларусь актыўна ўдзельнічае ў развіцці іншых раўнапраўных шматбаковых фарматаў, перш за ўсё Садружнасці Незалежных Дзяржаў і Еўразійскага эканамічнага саюза, а таксама ўзаемадзейнічае у фарматах ШАС і БРІКС. Прыярытэтамі для нашай краіны ў рамках СНД і ЕАЭС сталі пашырэнне эканамічнага супрацоўніцтва, прамысловая кааперацыя, інвестыцыйнае супрацоўніцтва, выраўноўванне ўмоў гаспадарання і ліквідацыя бар’ераў ва ўзаемным гандлі, фарміраванне адзінай транспартнай прасторы і іншыя не менш важныя кірункі», — падкрэсліў пасол.