Беларускі дзіцячы фонд з моманту стварэння акцыі «Нашы дзеці» ўключыўся ў дабрачыннасць. Усе абласныя, раённыя і гарадскія аддзяленні прымаюць удзел у гэтай акцыі. «Традыцыйна ў дзень пачатку навагодняй дабрачыннай акцыі „Нашы дзеці“ 45 дзяцей, якія выхоўваюцца ў дзіцячых дамах сямейнага тыпу, з усёй Беларусі дадуць старт навагодняй акцыі Беларускага дзіцячага фонду „Нашы сэрцы — дзецям“. Мерапрыемства пройдзе ў Рэспубліканскім гарналыжным цэнтры „Сілічы“. Напярэдадні гэтай акцыі 30 дзяцей з дзіцячых дамоў сямейнага тыпу, з прыёмных і апякунскіх сем’яў з усіх куткоў краіны адправяцца ў двухдзённы навагодні тур у маёнтак Дзеда Мароза», — расказала Людміла Падлужная. 

У пяты раз з 15 снежня па 14 студзеня фонд правядзе марафон па зборы сродкаў для ранняй дыягностыкі парушэнняў слыху ў нованароджаных і ў дзяцей ранняга ўзросту з дапамогай перадавога абсталявання. Яно будзе перададзена ў Рэспубліканскі навукова-практычны цэнтр отарыналарынгалогіі. Сродкі, сабраныя на марафоне, будуць накіраваны на набыццё медыцынскага абсталявання ў 4-ю гарадскую дзіцячую клінічную бальніцу. На іх закупяць асвятляльнікі налобныя і лупы. Кошт абсталявання ацэньваецца ў Br4 тыс.

Асаблівая ўвага фонду будзе накіравана на наведванне маленькіх пацыентаў, якія будуць знаходзіцца ў перыяд навагодніх і калядных свят ва ўстановах аховы здароўя.

«У Мінску будуць наведаны ўсе без выключэння гарадскія дзіцячыя бальніцы і буйныя рэспубліканскія цэнтры, а таксама дзіцячыя аддзяленні ў бальніцах горада. Да дзяцей прыйдуць валанцёры са святочнай праграмай і навагоднімі падарункамі. Ні адно дзіця не застанецца без увагі», — праінфармавала кіраўнік Мінскага абласнога аддзялення.