Конкурс аб’яўлены рашэннем 68-га пасяджэння Міждзяржаўнага савета па стандартызацыі, метралогіі і сертыфікацыі краін СНД у адпаведнасці з палажэннем аб міжнародным конкурсе «Найлепшы малады метролаг СНД», зацверджаным рашэннем Эканамічнага савета СНД ад 18 ліпеня 2025 года.

Ініцыятыва накіравана на прадастаўленне маладым метралогам пляцоўкі для абмену вопытам і абмеркавання актуальных праблем і іх рашэнняў; выяўленне, падтрымку і заахвочванне маладых метралогаў, актыўнае ўключэнне іх у развіццё метралогіі, навукова-даследчую дзейнасць, прафесійнае супрацоўніцтва на розных узроўнях; інфармаванне шырокай грамадскасці аб ролі і дасягненнях у галіне метралогіі. Арганізатарам конкурсу з’яўляецца Бюро па стандартах МДС.

Па прапанове Федэральнага агенцтва па тэхнічным рэгуляванні і метралогіі Расіі ён адбудзецца 16-17 чэрвеня 2026 года ў Санкт-Пецярбургу на пляцоўцы IV Міжнароднай навукова-практычнай канферэнцыі маладых вучоных і спецыялістаў «За намі будучыня».

Прыняць удзел у конкурсе могуць спецыялісты ва ўзросце да 35 гадоў уключна, якія выконваюць работы ў сферы навуковай і/або прыкладной метралагічнай дзейнасці ў дзяржавах — удзельніцах СНД, незалежна ад вучонай (навуковай) ступені, вучонага (навуковага) звання і пасады ў арганізацыі.

Конкурс праводзіцца ў тры этапы. На першым прэтэндэнты афармляюць заяўку, тэкст навуковай работы і не пазней за 4 красавіка 2026 года накіроўваюць іх у арганізацыйны камітэт. На другім удзельнікі выконваюць практычныя заданні, фарміраванне якіх ажыццяўляе навуковы камітэт. На трэцім этапе праводзяцца заслухоўванне навуковым камітэтам вусных дакладаў удзельнікаў, якія адпавядаюць поўным тэкстам іх навуковых работ, іх публічнае абмеркаванне, ацэнка і вызначэнне пераможцаў і прызёраў конкурсу. Удзел у конкурсе толькі ў вочным фармаце.

Конкурс праводзіцца па наступных намінацыях: «Найлепшы малады метролаг СНД у сферы навуковай метралогіі»; «Найлепшы малады метролаг СНД у сферы практычнай метралогіі»; «Найлепшы малады метролаг СНД у сферы лічбавізацыі метралогіі»; «Найлепшы малады метролаг СНД у спецыяльнай намінацыі» (тэматыку намінацыі вызначае навуковы камітэт у час правядзення трэцяга этапу).

Пераможца і прызёры вызначаюцца навуковым камітэтам у кожнай намінацыі на аснове экспертных ацэнак: навуковых работ, выкананых практычных заданняў, вусных дакладаў. Узнагароджванне праводзіцца ў завяршальны дзень правядзення конкурсу ва ўрачыстай абстаноўцы.

Пераможцам уручаюцца дыпломы, пасведчанні і нагрудныя знакі «Найлепшы малады метролаг СНД», прызёрам — дыпломы. Удзельнікі конкурсу, якія не сталі пераможцамі і прызёрамі, атрымліваюць пасведчанні.