Для рэалізацыі задумы Стасся разам з сябрамі і калегамі па творчым цэху арэндавала экскурсійны аўтобус, каб у незвычайнай атмасферы прэзентаваць сваю новую песню. Уся кампанія адпраўляецца ў паездку па сталіцы, з захапленнем адкрываюць яе краявіды, гісторыю мінулага і сучаснасці для сябе пад кампазіцыю «Заліпаем».

Аўтарамі трэка сталі вядомыя беларускай публіцы Тэа і Вольга Рыжыкава, якіх таксама можна ўбачыць сярод гасцей імправізаванай прэзентацыі. Падпявалі Стассі Корсак і фіналісты шоу «Фактар.by», папулярныя маладыя артысты Мікіта Белько і Насця Краўчанка. 

— Працэс работы над новай песняй пакінуў шмат добрых уражанняў. Мы адразу знайшлі агульную мову з Тэа і Вольгай Рыжыкавай. Пачуўшы саму кампазіцыю, мне адразу захацелася падпяваць яе і танцаваць пад гэтую мелодыю. А маладзёжны слэнг увогуле скарыў, — дзеліцца ўражаннямі Стасся Корсак. — За час здымак трэк-відэа сінгла «Заліпаем» я таксама пазнаёмілася з вялікай колькасцю класных і цікавых людзей. Сярод удзельнікаў былі балет Рамана Кавалёва, дзяўчаты, якія ў складзе балету ездзілі са мной у Казань (яны вучацца ў Юліі Ролевай), а таксама мадэлі з агенцтва Тамары Ганчаровай. Мы з усімі раззнаёміліся за час здымак, пасябравалі і абмяняліся кантактамі. 

Па словах артысткі кампазіцыя «Заліпаем» з’яўляецца працягам трылогіі драйвовых песень, якія яна са сваёй камандай стварае для маладзёжнай аўдыторыі. А ў перспектыве плануецца, што яны ўвойдуць у міні-сэт аўтарскіх кампазіцый Стассі Корсак. 

І кожны з нас таксама можа цяпер далучыцца і адчуць атмасферу новай кампазіцыі, назіраючы за паездкай вясёлай кампаніі, любуючыся краявідамі сталіцы пад акампанемент песні «Заліпаем» падчас прагляду трэк-відэа сінглу на ўсіх лічбавых пляцоўках. Яе дакладна можна дадаць у свой плэй-ліст для добрага настрою.

Алена ДРАПКО

Фота прадастаўлена прадзюсарскім цэнтрам «Спамаш»