Пераважная большасць беларусаў ва ўзросце ад 18 да 28 гадоў назвалі сям’ю галоўнай каштоўнасцю ў жыцці. У дзень сям’і сабралі цікавыя факты аб шлюбах, нараджэнні малышоў і дзяржаўнай падтрымцы сем’яў з дзецьмі. Аб гэтым паведамілі «Минск Новости».
Паводле звестак Нацыянальнага статыстычнага камітэта, у Беларусі жывуць больш за 2,6 млрд сем’яў. Пераважная большасць — 78,2 % у гарадах і пасёлках гарадскога тыпу. Лідзіруе Мінск — больш за 500 тыс. сем’яў.
У прошлым годдзе марш Мендэльсона прагучаў для 11,5 тыс. сталічных пар. Варта адзначыць, што да рэгістрацыі адносін закаханыя падыходзяць свядома. Жанчыны ўступаюць у першы шлюб у 26 гадоў, мужчыны вырашаюцца-такі надзець заручальнае кольца амаль у 29.
Амаль палова беларускіх сем’яў — 43,7% — выхоўваюць непаўналетніх дзяцей.
А кожны пяты маленькі беларус расце ў шматдзетнай сям’і. У сталіцы больш за 54 тыс. такіх дзяўчынак і хлапчукоў.
Па дадзеных камітэта па працы, занятасці і сацыяльнай абароне Мінгарвыканкама, пераважная большасць сталічных шматдзетных сем’яў — 14,3 тыс. — выхоўваюць траіх дзяцей, 2 тыс. — чацвярых, 600 — пяць і больш дачок і сыноў.
Сацыялагічнае даследаванне паказала, што больш за 95 % маладых людзей ва ўзросце 18-28 гадоў лічаць сям’ю галоўнай каштоўнасцю ў жыцці і мараць мець дзяцей. Адно дзіця — амаль 30 %, дваіх — крыху больш за 40 %, траіх — 8 %. І жаданне стаць мамай і татам усяляк падтрымліваецца ў краіне.
Сацыяльная палітыка дзяржавы накіравана на падтрымку сем’яў з дзецьмі. Прадугледжана разгалінаваная сістэма дапамог — усяго 11 відаў, ільготы ў сферы адукацыі, аховы здароўя, гарантыі ў працоўным, падатковым, жыллёвым заканадаўстве, сямейны капітал, бясплатнае харчаванне ў школах, ільготы на падручнікі, транспарт і не толькі. Дарэчы, падтрымліваць сем’і з дзецьмі ў Беларусі будуць і ў далейшым.
