У Беларусі 13 чэрвеня ноччу ў многіх раёнах Мінскай і Віцебскай абласцей чакаюцца моцныя дажджы. Аб'яўлены аранжавы ўзровень небяспекі. Пра гэта расказалі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У суботу будзе воблачна з праясненнямі. У многіх раёнах пройдуць дажджы, ноччу на большай частцы тэрыторыі Мінскай і Віцебскай абласцей пройдуць моцныя дажджы. У асобных раёнах прагрымяць навальніцы. Ноччу і раніцай месцамі магчымы туман. Вецер прагназуецца паўночна-заходні з пераходам на паўднёва-заходні 4-9 м/с, пры навальніцах парывы да 14 м/с. 

Тэмпература паветра ўначы складзе 8-14 градусаў вышэй за нуль, на захадзе — плюс 5-7. Днём будзе ад плюс 14 градусаў па поўначы да плюс 23 градусаў па поўдні.