Да адказнасці прыцягнуты дырэктар прыватнай фірмы, кіраўнік аднаго з сельгаспрадпрыемстваў Брэсцкага раёна і іх пасрэднік. Суд устанавіў, што дырэктар прыватнай фірмы, якая вырабляе вадкія мінеральныя ўгнаенні, дамовіўся з кіраўніком сельгаспрадпрыемства аб супрацоўніцтве ў абыход устаноўленага парадку закупак. За афармленне заявак выключна на прадукцыю канкрэтнага вытворцы аграрыю быў абяцаны працэнт ад агульнай сумы паставак. Дырэктар сельгаспрадпрыемства пры афармленні заявак разглядаў прадукцыю толькі гэтай фірмы, без аналізу рыначных аналагаў. Гэта дазволіла з лютага па жнівень 2025 года заключыць праз біржавыя таргі дагаворы пастаўкі ўгнаенняў на суму больш за 200 тыс. рублёў.

У кастрычніку 2025 года дырэктар фірмы перадаў праз пасрэдніка хабар у памеры 8,3 тыс. рублёў, прызначаны для кіраўніка сельгаспрадпрыемства. Пасрэднік атрымаў за гэта ўзнагароджанне 3 тыс. Усе абвінавачаныя цалкам прызналі віну.

Суд прызнаў дырэктара сельгаспрадпрыемства вінаватым паводле ч. 1 арт. 430 КК. Яго прысудзілі да трох гадоў шасці месяцаў пазбаўлення волі ў папраўчай калоніі ўзмоцненага рэжыму, ён пазбаўлены права займаць кіруючыя пасады тэрмінам на пяць гадоў. Таксама яму трэба заплаціць 500 базавых велічынь штрафу (22,5 тыс. рублёў).

Дырэктар прыватнай фірмы прызнаны вінаватым паводле ч. 1 арт. 431 КК, пасрэднік — вінаватым паводле ч. 1 арт. 432 КК. Іх прысудзілі да года абмежавання волі з накіраваннем у папраўчую ўстанову адкрытага тыпу. Канфіскаваныя ў пасрэдніка 8,3 тыс. рублёў, якія прызнаныя прыбыткам, атрыманым злачынным шляхам, канфіскавалі. Прысуд не ўступіў у законную сілу. Ён можа быць абскарджаны і апратэставаны.