Фігурантка за гэта раней ужо была двойчы судзімая, аднак высноў не зрабіла. «Будучы працаўладкаванай аператарам машыннага даення ў адну з сельгасарганізацый раёна, жанчына вырашыла ўхіліцца ад сваіх абавязацельстваў. Яна знікла, выехаўшы на тэрыторыю Расійскай Федэрацыі. Чатыры гады праваахоўныя органы ажыццяўлялі вышуковыя мерапрыемствы. Пасля вяртання ў Беларусь абавязаная асоба была затрыманая і ўзятая пад варту», — расказалі ў пракуратуры.

За гэты час у жанчыны ўтварылася 1089 прагулаў, а доўг перад дзяржавай перавысіў Br50 тыс. Грошы ёй прыйдзецца пакрыць. 

Суд Іванаўскага раёна прызнаў фігурантку вінаватай па ч. 3 арт. 174 КК. Ёй прызначана пакаранне ў выглядзе пазбаўлення волі на тэрмін адзін год і сем месяцаў. Таксама да абвінавачанай прыменена прымусовае лячэнне ад хранічнага алкагалізму. 

Прыгавор у законную сілу не ўступіў. Ён можа быць абскарджаны і апратэставаны ў апеляцыйным парадку.