Суд задаволіў скаргі абедзвюх ісціц — 54-гадовай мастачкі-дэкаратара Амелі і 34-гадовай асістэнткі рэжысёра па імені Сара. Абедзве супрацоўніцы кінастудыі сцвярджалі, што падчас здымак карціны «Зялёныя аканіцы» Дэпардзье непрыстойна жартаваў і распускаў рукі. Акцёр жа заявіў, што грубыя каментары, якія ён рабіў, былі звязаныя з яго кепскім настроем.

Адзначаецца, што пры вынясенні рашэння суд прыняў да ўвагі яго ўзрост, стан здароўя і факты, аднак пастанавіў унесці яго ў рэестр асоб, якія ўчынілі сексуальныя злачынствы.

• Як паведамляе тэлеканал, суддзі не задаволілі патрабаванне пракуратуры аб выплаце кампенсацыі маральнай шкоды ў памеры 20 тыс. еўра і накіраванне акцёра на абавязковае псіхалагічнае лячэнне. Яны запатрабавалі ад адказчыка выплаціць пацярпелым кампенсацыю ў памеры 1 тыс. еўра і 2 тыс. еўра адпаведна за «паўторныя пакуты» ісціц. На думку старшыні судовай калегіі, адвакат акцёра Жэрэмі Асу аказваў празмерны ціск на ісціц падчас слуханняў і звяртаўся да выказванняў, якія «зневажаюць чалавечую годнасць», у іх адрас.

Сам акцёр адсутнічаў на судовым пасяджэнні. Паводле інфармацыі СМІ, ён удзельнічае ў здымках карціны Фані Ардан, якія праходзяць у Партугаліі.