Другі Заходні акруговы ваенны суд у закрытым рэжыме правядзе папярэднія слуханні па крымінальнай справе ў дачыненні да 19 выканаўцаў і саўдзельнікаў тэракту ў канцэртнай зале «Крокус сіці Хол» у падмаскоўным Краснагорску, ахвярамі якога сталі 149 чалавек. Пра гэта паведамляе ТАСС са спасылкай на заяву ў прэс-службы суда.
«У судзе ў закрытым рэжыме ў адпаведнасці з арт. 234 КПК (папярэдняе слуханне праводзіцца суддзёй аднаасобна ў закрытым судовым пасяджэнні з удзелам бакоў) пройдуць папярэднія слуханні па крымінальнай справе аб тэракце ў „Крокусе“ ў дачыненні да 19 фігурантаў», — сказала прэс-сакратар суда Ірына Жырнова.
Паводле яе слоў, суд прыме беспрэцэдэнтныя меры для забеспячэння бяспекі ўдзельнікаў працэсу. «Бяспеку будуць забяспечваць супрацоўнікі сілавых ведамстваў», — удакладнілі ў прэс-службе.
