Аман і Беларусь дасягнулі многага, але ў адносінах дзвюх краін застаецца нерэалізаваны патэнцыял. Аб гэтым заявіў Султан Амана Хайсам бен Тарэк Аль Саід на перагаворах з Прэзідэнтам Беларусі Аляксандрам Лукашэнкам, паведамляе БелТА.
Султан Амана падзякаваў Прэзідэнту Беларусі за гасцінны прыём і адзначыў, што рады знаходзіцца ў Мінску. Хайсам бен Тарэк аль Саід адзначыў, што хацеў бы паглядзець, як рэалізуюцца дамоўленасці, дасягнутыя падчас візіту Аляксандра Лукашэнкі ў Аман у мінулым годзе.
«З моманту вашага візіту ў Аман у мінулым годзе мы здолелі шмат чаго дасягнуць. У той жа час застаецца нерэалізаваны патэнцыял, і з вашай дапамогай, а таксама дзякуючы ўзаемадзеянню ўрадаў мы зможам яго рэалізаваць», — лічыць Хайсам бен Тарэк Аль Саід.
