У вячэрні час абвінавачаная знаходзілася дома — у кватэры на пр. Міру. Раптам у яе здарыўся слоўны канфлікт з сужыцелем, з якім фігурантка была ў адносінах каля чатырох гадоў. У разгар сваркі яна схапіла нож і двойчы нанесла ўдар мужчыну ў грудную клетку. Усвядоміўшы, што нарабіла, зламысніца выклікала хуткую і стала аказваць сужыцелю першую дапамогу.

Згодна з заключэннем эксперта, пацярпеламу было прычынена цяжкае цялеснае пашкоджанне. У дачыненні да жыхаркі распачалі крымінальную справу. Віну яна цалкам прызнала, у зробленым раскаялася.

— Абвінавачаная зарэгістравана індывідуальным прадпрымальнікам, раней да крымінальнай адказнасці не прыцягвалася, — пракаментавала старшы памочнік пракурора Кастрычніцкага раёна Крысціна Кандраценкава, якая выступала па гэтай крымінальнай справе дзяржаўным абвінаваўцам. — Суд прызнаў яе вінаватай у наўмысным прычыненні цяжкага цялеснага пашкоджання, гэта значыць пашкоджанні, небяспечнага для жыцця, і на падставе ч. 1 арт. 147 КК Рэспублікі Беларусь прызначыў пакаранне ў выглядзе абмежавання волі без накіравання ў папраўчую ўстанову адкрытага тыпу на тэрмін 2 гады 6 месяцаў.

Прыгавор не ўступіў у сілу, можа быць абскарджаны і апратэставаны ва ўстаноўленым законам парадку.